Psalms 85

Maombi Kwa Ajili Ya Ustawi Wa Taifa

(Kwa Mwimbishaji: Zaburi Ya Wana Wa Kora)

1 ^aEe Bwana, ulionyesha wema kwa nchi yako.
Ulimrejeshea Yakobo baraka zake. ▼

▼ Au: Uliwarudisha mateka wa Yakobo.

2 ^cUlisamehe uovu wa watu wako,
na kufunika dhambi zao zote.

3 ^dUliweka kando ghadhabu yako yote
na umegeuka na kuiacha hasira yako kali.

4 ^eEe Mungu Mwokozi wetu, uturejeshe tena,
nawe uiondoe chuki yako juu yetu.

5 ^fJe, utatukasirikia milele?
Utaendeleza hasira yako kwa vizazi vyote?

6 ^gJe, hutatuhuisha tena,
ili watu wako wakufurahie?

7 ^hUtuonyeshe upendo wako usiokoma, Ee Bwana,
utupe wokovu wako.

8 ⁱNitasikiliza lile atakalosema Mungu aliye Bwana;
anaahidi amani kwa watu wake, watakatifu wake:
lakini nao wasirudie upumbavu.

9 ^jHakika wokovu wake uko karibu na wale wamchao,
ili utukufu wake udumu katika nchi yetu.

10 ^kUpendo na uaminifu hukutana pamoja,
haki na amani hubusiana.

11 ^lUaminifu huchipua kutoka nchi,
haki hutazama chini kutoka mbinguni.

12 ^mNaam, hakika Bwana atatoa kilicho chema,
nayo nchi yetu itazaa mavuno yake.

13 Haki itatangulia mbele yake
na kutengeneza njia kwa ajili ya hatua zake.